കണ്ണൂർ: കനത്ത മഴയിൽ കണ്ണൂരിലെ ചില പ്രദേശങ്ങളിൽ വെള്ളം കയറി. ഉച്ച മുതലാണ് മഴ പെയ്യാൻ ആരംഭിച്ചത്. പിന്നീട് കനക്കുകയായിരുന്നു.

തലശ്ശേരി ബസ് സ്റ്റാൻഡിൽ മുട്ടോളം വരെ വെള്ളം പൊങ്ങി. പല കടകളിലും വെള്ളം കയറി. ഞായറാഴ്ച ആയതിനാൽ  കടകൾ അടച്ച നിലയിലായിരുന്നു.

ഇരിട്ടി- തളിപ്പറമ്പ് സംസ്ഥാന പാതയിൽ മരം വീണ് ഗതാഗതം തടസപ്പെട്ടു. ഫയർഫോഴ്സും നാട്ടുകാരും ചേർന്ന് മരം നീക്കി. റോഡിൽ വാഹനങ്ങൾ കുറവായതിനാൽ വെള്ളക്കെട്ടുണ്ടായ ഇടങ്ങളിൽ ഒന്നും ഗതാഗത തടസമുണ്ടായില്ല.