കൊച്ചി: കളമശേരിയിൽ ഒരു പൊലീസുകാരന് കൂടി കോവിഡ് സ്ഥിരീകരിച്ചു. നേരത്തെ കോവിഡ് ബാധിച്ച പൊലീസുകാരന്റെ സമ്പർക്ക പട്ടികയിൽ ഉൾപ്പെട്ട ആൾക്കാണ് ഇപ്പോൾ കോവിഡ് സ്ഥിരീകരിച്ചത്. ഇതോടെ കളമശേരി പൊലീസ് സ്റ്റേഷനിലെ രണ്ട് പൊലീസുകാർക്ക് രോ​ഗം കണ്ടെത്തി.

അതിനിടെ വെങ്ങോല പഞ്ചായത്തിലെ 17ാം വാർഡ് കണ്ടെയ്ൻമെന്റ് സോണായി പ്രഖ്യാപിച്ചു. ഇന്ന് രാത്രി 12 മണി മുതൽ നിയന്ത്രണങ്ങൾ പ്രാബല്യത്തിൽ വരുമെന്ന് കലക്ടർ വ്യക്തമാക്കി.

എറണാകുളം ജില്ലയിൽ ഇന്ന് 11 പേർക്കാണ് കോവിഡ് സ്ഥിരീകരിച്ചത്. ഇന്ന് 1106 പേരെയാണ് നിരീക്ഷണത്തിലാക്കിയത്. ഇതോടെ ജില്ലയിൽ നിരീക്ഷണത്തിലുള്ളവരുടെ ആകെ എണ്ണം 12,479 ആയി.