ആലുവ: പാലക്കാട് നിന്നും എറണാകുളത്തേക്ക് വന്ന മെമു പാളം തെറ്റി. കളമശ്ശേരിയില്‍ വച്ചാണ് പാളം തെറ്റിയത്. ആളപായമില്ലെന്നും ആര്‍ക്കും പരിക്കേറ്റിട്ടില്ലെന്നും റെയില്‍വേ അറിയിച്ചു.

ആദ്യ ബോഗിയുടെ ചക്രങ്ങളാണ് ട്രാക്കില്‍ നിന്നും തെന്നിമാറിയത്. ഉടന്‍തന്നെ ട്രെയിന്‍ നിര്‍ത്താന്‍ കഴിഞ്ഞതിനാല്‍ വലിയ അപകടം ഒഴിവാകുകയായിരുന്നു. മെമു പാളം തെറ്റിയതിനെ തുടര്‍ന്ന് എറണാകുളം വഴിയുള്ള ട്രെയിന്‍ ഗതാഗതം തടസ്സപ്പെട്ടിട്ടുണ്ട്. ഇത് ഉടന്‍ തന്നെ പരിഹരിക്കുമെന്ന് റെയില്‍വേ അധികൃതര്‍ വ്യക്തമാക്കി.