കൊച്ചി: നാലര വയസ്സുകാരന്റെ ശ്വാസകോശത്തിൽ കുടുങ്ങിയ നട്ട് ശസ്ത്രക്രിയയിലൂടെ നീക്കം ചെയ്തു. കളിപ്പാട്ടത്തിന്റെ ലോഹം കൊണ്ടുണ്ടാക്കിയ നട്ടാണ് കുട്ടിയുടെ ശ്വാസകോശത്തിൽ അകപ്പെട്ടത്. കളിക്കുന്നതിനിടയിൽ നട്ട് കുട്ടിയുടെ മൂക്കിനുള്ളിൽ‌ പോകുകയായിരുന്നു. 

എക്സ്റേ പരിശോധനയിൽ നട്ട് ശ്വാസകോശത്തിൽ കുടുങ്ങിയതായി കണ്ടെത്തി. ഉടൻതന്നെ കുട്ടിയെ ശസ്ത്രക്രിയയ്ക്ക് വിധേയനാക്കുകയായിരുന്നു. ബ്രോങ്കോസ്കോപ്പിയിലൂടെയാണ് നട്ട് നീക്കം ചെയ്തത്. കിൻഡർ മൾട്ടിസ്പെഷ്യാലിറ്റി ആശുപത്രിയിലാണ് ശസ്ത്രക്രിയ നടത്തിയത്.