കൊച്ചി: കസ്റ്റഡി റദ്ദാക്കണമെന്ന് ആവശ്യപ്പെട്ട്, നടിയെ ആക്രമിച്ച കേസിലെ മുഖ്യപ്രതി സുനില്കുമാര് നല്കിയ അപേക്ഷ കോടതി തള്ളി. പൊലീസ് മര്ദിച്ചെന്ന് ആരോപിച്ചാണ് കസ്റ്റഡി റദ്ദാക്കാന് സുനില് കുമാര് ഹര്ജി നല്കിയത്. പൊലീസ് മര്ദിച്ചെന്ന സുനിയുടെ വാദം കാക്കനാട് മജിസ്ട്രേറ്റ് കോടതി അംഗീകരിച്ചില്ല. അഭിഭാഷകനുമായി സംസാരിക്കണമെന്ന സുനിയുടെ ആവശ്യവും കോടതി തള്ളി.
സുനിയെ കസ്റ്റഡിയില് പൊലീസ് മര്ദ്ദിച്ചെന്ന് ആരോപിച്ചാണ് കസ്റ്റഡി കാലാവധി റദ്ദാക്കാണമെന്ന ആവശ്യമുയര്ത്തിയത്. അപേക്ഷ ഫയലില് സ്വീകരിച്ച കോടതി ഇതുസംബന്ധിച്ച അന്വേഷണ റിപ്പോര്ട്ട് ഹാജരാക്കാന് നിര്ദേശം നല്കിയിരുന്നു.
ജയിലിലെ ഫോണ് ഉപയോഗവുമായി ബന്ധപ്പെട്ട കേസിലാണ് പള്സര് സുനിയെ അഞ്ച് ദിവസത്തെ പൊലീസ് കസ്റ്റഡിയില് വിട്ടത്. വൈദ്യ പരിശോധനയ്ക്കായി കൊണ്ടുവന്നപ്പോഴാണ് തന്നെ പൊലീസ് മര്ദിച്ചെന്ന് സുനി അറിയിച്ചത്. ഇതിനെ തുടര്ന്ന് സുനിയുടെ കസ്റ്റഡി കാലാവധി റദ്ദാക്കണമെന്നാവശ്യപ്പെട്ട് അപേക്ഷ നല്കുകയായിരുന്നു.
ജയിലില് പൊലീസ് മര്ദിച്ചതായി നേരത്തെയും സുനി കോടതിയില് പറഞ്ഞിരുന്നു. എന്നാല് ജയില് ഡോക്ടര് ഇതു നിഷേധിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates