കൊച്ചി : കൊച്ചി വൈപ്പിന്‍ കുഴിപ്പിള്ളി പള്ളത്താംകുളങ്ങര ബീച്ചില്‍ യുവാവിനെ അടിച്ചു കൊന്ന കേസില്‍ മൂന്നുപേര്‍ അറസ്റ്റില്‍. ഒരാള്‍ക്കു വേണ്ടിയുള്ള തിരച്ചില്‍ തുടരുന്നു. മുനമ്പം സ്വദേശി പ്രണവാണ് മരിച്ചത്. 

ചെറായി സ്വദേശികളായ അമ്പാടി, ശരത്, ജിബിന്‍ എന്നിവരാണ് പിടിയിലായത്. കാമുകിയെച്ചൊല്ലിയുള്ള തര്‍ക്കമാണ് കൊലപാതകത്തിന് കാരണമെന്ന് പൊലീസ് സൂചിപ്പിച്ചു. 

പ്രതികള്‍ ലഹരി ഉപയോഗിക്കുകയും വില്‍പ്പന നടത്തുകയും ചെയ്യുന്ന സംഘത്തില്‍പ്പെട്ടവരാണെന്ന് റൂറല്‍ എസ്പി കാര്‍ത്തിക് അറിയിച്ചു. ഇന്നലെയാണ് കുഴിപ്പിള്ളി ബീച്ച് റോഡില്‍ മുമ്പം സ്വദേശി പ്രണവിനെ കൊല്ലപ്പെട്ട നിലയില്‍ കണ്ടെത്തിയത്.

പുലര്‍ച്ചെ നാലരയോടെയായിരുന്നു കൊലപാതകം. മത്സ്യ തൊഴിലാളികളാണ് പ്രണവിന്റെ മൃതദേഹം കണ്ടത്. ചോരയില്‍ കുളിച്ച നിലയിലാണ് മൃതദേഹം കാണപ്പെട്ടത്.