തേഞ്ഞിപ്പലം: കാലിക്കറ്റ് സർവകലാശാലയുടെ ബിരുദ പ്രവേശനത്തിനായി ഓൺലൈൻ അപേക്ഷ സമർപ്പിക്കുന്നതിനുള്ള അവസാന തീയതി നാളെ വരെ (ഓ​ഗസ്റ്റ് 24) നീട്ടി. ഓൺലൈൻ രജിസ്‌ട്രേഷനും ഫീസടയ്ക്കുന്നതിനും നാളെ അഞ്ച് മണി വരെ സൗകര്യമുണ്ടായിരിക്കും. വെബ്സൈറ്റ്: www.cuonline.ac.in/ug.

ശനിയാഴ്ച വൈകീട്ട് 1,25,783 പേർ രജിസ്ട്രേഷൻ പൂർത്തിയാക്കി. 5737 പേർക്ക് അപേക്ഷാ സമർപ്പണത്തിന്റെ വിവിധ ഘട്ടങ്ങൾ ബാക്കിയുണ്ട്.

രജിസ്‌ട്രേഷൻ പൂർത്തിയാക്കിയ വിദ്യാർഥികൾക്ക് അപേക്ഷയിൽ പ്ലസ്ടു രജിസ്റ്റർ നമ്പർ, മൊബൈൽ നമ്പർ എന്നിവയൊഴികെ എല്ലാ വിവരങ്ങളും സ്വയം തിരുത്തൽ വരുത്തുന്നതിനും പുതിയ കോളജ് ഓപ്ഷനുകൾ കൂട്ടിച്ചേർക്കുന്നതിനുമുള്ള സൗകര്യവും രജിസ്‌ട്രേഷൻ പോർട്ടലിൽ ലഭ്യമാണ്.