കാസർകോട്: ജില്ലയിൽ ഇന്ന് ഏഴ് മാസം പ്രായമുള്ള കുഞ്ഞടക്കം പത്ത് വയസിന് താഴെയുള്ള 11 കുട്ടികൾക്ക് കോവിഡ് സ്ഥിരീകരിച്ചു. ജില്ലയിൽ ഇന്ന് കോവിഡ് സ്ഥിരീകരിച്ച 157 പേരിൽ 145 പേർക്കും സമ്പർക്കത്തിലൂടെ രോഗബാധ. ഇതിൽ മൂന്ന് പേരുടെ രോഗ ഉറവിടം വ്യക്തമല്ല. 

നീലേശ്വരം നഗരസഭയിലും തൃക്കരിപ്പൂർ പഞ്ചായത്തിലും 15 പേർക്ക് വീതവും കാഞ്ഞങ്ങാട് നഗരസഭയിൽ 14 പേർക്കും കാസർകോട് നഗരസഭയിൽ 12 പേർക്കുമാണ് കോവിഡ് സ്ഥിരീകരിച്ചത്. 198 പേർ രോഗമുക്തരായി.  

മധൂർ പഞ്ചായത്തിലെ ഉളിയത്തടുക്കയിൽ ഒരു കുടുംബത്തിലെ 19 പേർക്കും മേൽപറമ്പ് കീഴൂർ സ്വകാര്യ മാനസികാരോഗ്യ കേന്ദ്രത്തിൽ ജീവനക്കാരും രോഗികളുമടക്കും 17 പേർക്കും കോവിഡ് ബാധിച്ചു. ഇവരുടേത് ഇന്നത്തെ കോവിഡ് കണക്കിൽ ഉൾപ്പെടുത്തിയിട്ടില്ല.