പാണക്കാട്: മുത്തലാഖ് ബില്‍ ലോക്‌സഭയില്‍ ചര്‍ച്ച ചെയ്യുമ്പോള്‍ ലീഗ് നേതാവും എംപിയുമായ കുഞ്ഞാലിക്കുട്ടി ഇല്ലാതിരുന്നത് മുസ്ലിം ലീഗ് ചര്‍ച്ച ചെയ്യുമെന്ന് പാണക്കാട് ഹൈദരലി ശിഹാബ് തങ്ങള്‍. കുഞ്ഞാലിക്കുട്ടിയുമായി ഇതുവരെ വിഷയം ചര്‍ച്ച ചെയ്തിട്ടില്ലെന്നും അദ്ദേഹത്തിന്റെ വിശദീകരണം ലഭിച്ചിട്ടില്ലെന്നും ശിഹാബ് തങ്ങള്‍ പറഞ്ഞു.ലീഗ് യോഗത്തിന് ശേഷം മാത്രമേ ഇക്കാര്യത്തില്‍ തുടര്‍നടപടികള്‍ ഉണ്ടാവുകയുള്ളൂവെന്നും അദ്ദേഹം വെളിപ്പെടുത്തി. 

 ഇപ്പോഴത്തെ സാഹചര്യത്തില്‍ ബില്ല് രാജ്യസഭയില്‍ പാസാവുകയില്ല. മുത്തലാഖ് ബില്ലിനെതിരെ മറ്റ് രാഷ്ട്രീയപ്പാര്‍ട്ടികളുടെ പിന്തുണ കൂടി ലീഗ് തേടും. ബില്ല് പരാജയപ്പെട്ടാല്‍ നിലവിലുള്ള ആക്ഷേപങ്ങള്‍ അവസാനിക്കുമെന്നും അദ്ദേഹം പറഞ്ഞു. മുത്തലാഖ് ക്രിമിനല്‍ കുറ്റമാക്കിക്കൊണ്ട് ലോക് സഭ പാസാക്കിയ ബില്ല് നാളെയാണ് രാജ്യ സഭ പരിഗണിക്കുന്നത്.