കൊച്ചി : ലോക്ക്ഡൗണിനെത്തുടര്‍ന്ന് നിര്‍ത്തിവെച്ച സ്വകാര്യ ബസ് സര്‍വീസ് സംസ്ഥാനത്ത് ആരംഭിച്ചു. എറണാകുളം, കോഴിക്കോട്, പാലക്കാട്, ഇടുക്കി, തിരുവനന്തപുരം ജില്ലകളിലെല്ലാം നീണ്ട ഇടവേളയ്ക്കു ശേഷം സ്വകാര്യ ബസ്സുകള്‍ നിരത്തിലിറങ്ങി. തൃശൂര്‍ ജില്ലയില്‍ 85 ബസ്സുകളാണ് സര്‍വീസ് നടത്തുന്നത്.

സാമൂഹിക അകലം പാലിച്ചുകൊണ്ട് സര്‍ക്കാര്‍ നിശ്ചയിച്ച പ്രകാരം യാത്രക്കാരെ മാത്രം കയറ്റിയാകും ബസ്സുകള്‍ സര്‍വീസ് നടത്തുക. ഒരു വിഭാഗം ബസ്സുകളാണ് ഇന്ന് റോഡിലിറങ്ങിയത്.

സാമ്പത്തിക പ്രതിസന്ധി ഇല്ലെങ്കില്‍ വരുംദിവസങ്ങളില്‍ കൂടുതല്‍ സര്‍വീസുകള്‍ നടത്തുമെന്ന് ബസ് ഉടമകള്‍ പറഞ്ഞു. കോവിഡ് പ്രതിസന്ധി കണക്കിലെടുത്ത് മിനിമം ബസ് ചാര്‍ജ് 12 രൂപയായി ഉയര്‍ത്തിയിട്ടുണ്ട്.