മലപ്പുറം: കൊടിഞ്ഞി ഫൈസല്‍ വധക്കേസ് പ്രതി വിപിനെ വെട്ടിക്കൊലപ്പെടുത്തിയ സംഭവത്തില്‍ രണ്ട് എസ്ഡിപിഐ പ്രവര്‍ത്തകര്‍ അറസ്റ്റില്‍. സുഹൈല്‍, മുഹമ്മദ് അന്‍വര്‍ എന്നിവരാണ് അറസ്റ്റിലായത്. കൊലപാതകവുമായി ബന്ധപ്പെട്ട് നടന്ന ഗൂഢാലോചനയിലാണ് ഇരുവരും അറസ്റ്റിലായത്.

കഴിഞ്ഞ മാസം 24 നാണ് കൊടിഞ്ഞി വധക്കേസിലെ പ്രതി വിപിന്‍ വെട്ടേറ്റ് മരിച്ചത്. രാവിലെ ബൈക്കില്‍ വരികയായിരുന്ന വിപിനെ അക്രമികള്‍ തടഞ്ഞുനിര്‍ത്തി വെട്ടുകയായിരുന്നു. സംഭവവുമായി ബന്ധപ്പെട്ട് മൂന്ന് പേരെ പൊലീസ് നേരത്തേ കസ്റ്റഡിയില്‍ എടുത്തിരുന്നു.

ഇസ്‌ലാം മതം സ്വീകരിച്ചതിന്റെ പേരിലാണ് കൊടിഞ്ഞി ഫൈസലിനെ വെട്ടിക്കൊലപ്പെടുത്തിയത്. 2016 നവംബര്‍ 19ന് പുലര്‍ച്ചയാണ് ഫൈസല്‍ കൊല്ലപ്പെട്ടത്. ഫൈസലിനെ വധിച്ചകേസില്‍ ബന്ധുവടക്കം 16 ആര്‍എസ്എസ്, ബിജെപി പ്രവര്‍ത്തകരാണ് അറസ്റ്റിലായത്.