കൊല്ലം: സമ്പര്‍ക്ക രോഗികളുടെ എണ്ണം വര്‍ധിക്കുന്ന പശ്ചാത്തലത്തില്‍ കൊല്ലം കരുനാഗപ്പളളിയില്‍ കടുത്ത നിയന്ത്രണം. നഗരസഭയിലെ 11 ഡിവിഷനുകള്‍ കണ്ടെയ്ന്‍മെന്റ് സോണാക്കി. 20 മുതല്‍ 25 വരെയും 1,30,33,34,35 ഡിവിഷനുകളിലുമാണ് നിയന്ത്രണം ഏര്‍പ്പെടുത്തിയത്. 

നെടുവത്തൂര്‍, ഇട്ടിവ, കൊറ്റങ്കര പഞ്ചായത്തുകളിലും തീവ്ര നിയന്ത്രണം ഏര്‍പ്പെടുത്തിയതായി ജില്ലാ ഭരണകൂടം അറിയിച്ചു. ഈ പഞ്ചായത്തുകളിലെ എല്ലാ വാര്‍ഡുകളും കണ്ടെയ്ന്‍മെന്റ് സോണുകളായി പ്രഖ്യാപിച്ചു.

ഇന്നലെ കൊല്ലം ജില്ലയില്‍ 106 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 94 പേര്‍ക്കും സമ്പര്‍ക്കം മൂലമാണ് രോഗബാധ ഉണ്ടായത്. ഈ പശ്ചാത്തലത്തിലാണ് നിയന്ത്രണങ്ങള്‍ കടുപ്പിച്ചത്.