തിരുവനന്തപുരം: സിപിഎം പൊളിറ്റ് ബ്യൂറോ അംഗം എംഎ ബേബി കോവിഡ് നെഗറ്റീവായി. തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിലായിരുന്ന അദ്ദേഹം ആശുപത്രി വിട്ടു. 

സമ്പർക്കത്തിലൂടെയാണ് എംഎ ബേബിക്ക് രോഗം ബാധിച്ചത്. കോവിഡ് പരിശോധനയില്‍ നെഗറ്റീവായതിനെ തുടര്‍ന്ന് അദ്ദേഹം ഇന്ന് ആശുപത്രി വിട്ടു. അദ്ദേ​ഹത്തിന്റെ ഭാര്യ ബെറ്റിയും നേരത്തെ കോവിഡ് മുക്തയായിയിരുന്നു.

സംസ്ഥാനത്ത്  ഇന്ന് 1242 പേര്‍ക്കാണ് കോവിഡ് സ്ഥിരീകരിച്ചത്. 1081 പേർക്ക് സമ്പർക്കത്തിലൂടെയാണ് രോഗബാധ. 1238 പേർക്കാണ് രോ​ഗ മുക്തി. ഉറവിടം അറിയാത്ത 95 പേർക്കാണ് ഇന്ന് രോഗം സ്ഥിരീകരിച്ചത്.