പത്തനംതിട്ട: ക്വാറന്റീന്‍ സെന്ററില്‍ നിരീക്ഷണത്തില്‍ കഴിഞ്ഞ യുവതിയെ പീഡിപ്പിക്കാന്‍ ശ്രമിച്ച യുവാവ് പിടിയില്‍. ആരോഗ്യപ്രവര്‍ത്തകന്‍ ചമഞ്ഞെത്തി 19 കാരനാണ് പിടിയിലായത്. പത്തനംതിട്ട ചുട്ടിപ്പാറ വടക്കേല്‍ചരുവില്‍ ആദില്‍(19)ആണ് ആരോഗ്യപ്രവര്‍ത്തകന്‍ ചമഞ്ഞ് പീഡനത്തിന് ശ്രമിച്ചത്.

നഗരത്തിലെ അബാന്‍ ആര്‍ക്കേഡിലുള്ള സെന്ററില്‍ തിങ്കളാഴ്ച രാത്രി ഏഴോടെയായിരുന്നു സംഭവം. സംസ്ഥാനത്തിന് പുറത്തുനിന്നെത്തിയ യുവതിയുടെ മുറിയില്‍ ആരോഗ്യപ്രവര്‍ത്തകനെന്ന് പരിചയപ്പെടുത്തിയാണ് ഇയാള്‍ കയറിച്ചെല്ലുന്നത്.

പരിശോധനകളുണ്ടെന്ന് പറഞ്ഞ് ഇയാള്‍ യുവതിയെ കയറിപ്പിടിച്ചു. ഇവര്‍ ബഹളം വെച്ചതോടെ യുവാവ് ഇറങ്ങിയോടി. എന്നാല്‍, വൊളന്റിയേഴ്‌സ് ഗേറ്റുപൂട്ടിയതിനാല്‍ പുറത്തുചാടാനായില്ല. ഇവര്‍ പിടികൂടി പൊലീസിനെ ഏല്‍പ്പിക്കുകയായിരുന്നു.