കോഴിക്കോട്: നടി ആക്രമിക്കപ്പെട്ട കേസില്‍ ആലുവ സബ്ജയിലില്‍ നിന്നും ജാമ്യത്തില്‍ പുറത്തിറങ്ങിയ ദിലീപിന് വന്‍ ആരാധക സ്വീകരണമാണ് ലഭിച്ചത്. ദിലീപിനെ സ്വീകരിച്ച ആരാധര്‍ക്ക് എതിരെ വിമര്‍ശനവുമായി ചലചിത്ര നിരുപകന്‍ പ്രേംചന്ദ് രംഗത്ത്. 

ഇവിടെ തെളിയിക്കപ്പെടുന്നത് ഒന്ന് മാത്രം : ഇത് ആണുങ്ങളുടെ ലോകം മാത്രം . ജയിലിന് പുറത്തെ ആ ആരവം മാത്രം നോക്കിയാല്‍ മതി നമ്മുടെ സമൂഹം എത്രമാത്രം അവനൊപ്പമാണ് അവള്‍ക്കൊപ്പമല്ല എന്ന് .മാതൃശൂന്യതയുടെ കൊടിയടയാളം ബലാത്സംഗിക്കൊപ്പം തെരുവില്‍ നൃത്തം വയ്ക്കുമ്പോള്‍ തോല്‍ക്കുന്നത് പൊതുസമൂഹമാണെന്നും പ്രേംചന്ദ്് പറയുന്നു

പോസ്റ്റിന്റെ പൂര്‍ണരൂപം

ജയിലിന് പുറത്തെ ആ മധുര വിതരണം കേരളം മുന്‍പ് കണ്ടിട്ടുണ്ട്. ഐസ് ക്രീം പാര്‍ലര്‍ പെണ്‍വാണിഭക്കേസ്സില്‍ പ്രതികളെ വെറുതെ വിട്ടപ്പോള്‍ അനുയായികള്‍ നടത്തിയ ആഹ്ലാദ പ്രകടനത്തില്‍ . 'ഗാന്ധി പപ്പ മഹാനാണ് ' എന്ന് ഇരയുടെ മൊഴി മാറ്റുന്നില്‍ വിജയിച്ചവരുടെ ആഹ്ലാദം അന്നവിടെ മുഴങ്ങിക്കേട്ടു . കണ്ടു.
ഇവിടെ തെളിയിക്കപ്പെടുന്നത് ഒന്ന് മാത്രം : ഇത് ആണുങ്ങളുടെ ലോകം മാത്രം . ജയിലിന് പുറത്തെ ആ ആരവം മാത്രം നോക്കിയാല്‍ മതി നമ്മുടെ സമൂഹം എത്രമാത്രം അവനൊപ്പമാണ് അവള്‍ക്കൊപ്പമല്ല എന്ന് .മാതൃശൂന്യതയുടെ കൊടിയടയാളം ബലാത്സംഗിക്കൊപ്പം തെരുവില്‍ നൃത്തം വയ്ക്കുമ്പോള്‍ തോല്‍ക്കുന്നത് പൊതുസമൂഹമാണ്. പ്രതിരോധശേഷിയുടെ യുക്തിയും വാദമുഖങ്ങളും ദുര്‍ബലമാകുമ്പോള്‍ നീതിയുടെ ശരീരത്തില്‍ ഇനി ഒന്നു കൂടിയേ കാണാനുള്ളൂ. അത് ഇരയുടെ മൊഴിമാറ്റം മാത്രമാണ്.
കുതിച്ചു പായുന്ന ദുരധികാരത്തിന്റെ അന്ധയുക്തിക്ക് ബലിയായ പ്രിയസഖാവ് സുബ്രഹ്മണ്യദാസ് എണ്‍പതുകളുടെ തുടക്കത്തില്‍ എഴുതിയിട്ട ആത്മഹത്യാക്കുറിപ്പിലെ പ്രവചനം ശരിയാണ് : നാമൊരു തോറ്റ ജനതയാണ്