തിരുവനന്തപുരം: ജീവിതശൈലീ രോ​ഗങ്ങൾ കേരളത്തിൽ ദേശീയ ശരാശരിയേക്കാൾ കൂടുന്നതായി ആരോ​ഗ്യ മന്ത്രി കെകെ ശൈലജ. നിയമസഭയിലാണ് മന്ത്രി ഇക്കാര്യം പറഞ്ഞത്. ജീവിതശൈലീ രോ​ഗങ്ങൾ വർധിക്കുന്ന സാഹചര്യത്തിൽ 18 വയസിന് മുകളിലുള്ളവരുടെയെല്ലാം രക്ത പരിശോധന നടത്താനുള്ള പദ്ധതി നടപ്പാക്കി വരികയാണെന്നും മന്ത്രി വ്യക്തമാക്കി. 

ഈ വർഷത്തെ നിപ പ്രതിരോധ പ്രവർത്തനങ്ങൾ ഡിസംബറിൽ തുടങ്ങും. പകർച്ചവ്യാധി പ്രതിരോധത്തിന് ആയുഷ്, ഹോമിയോപ്പതി, അലോപ്പതി വകുപ്പുകൾ സംയോജിപ്പിച്ചുള്ള പ്രവർത്തനങ്ങൾ ആരംഭിക്കുമെന്നും മന്ത്രി പറഞ്ഞു.