തിരുവനന്തപുരം: തിരുവനന്തപുരം കാര്യവട്ടത്തിനടുത്ത അമ്പലത്തിങ്കരയിലെ എടിഎമ്മില്‍ നിന്നും പത്തുലക്ഷം രൂപ കവര്‍ന്നു. ഗ്യാസ് കട്ടര്‍ ഉപയോഗിച്ച് എടിഎം തകര്‍ത്താണ് മോഷണം നടത്തിയത്. അമ്പലത്തിങ്കരയിലെ എസ്ബിഐയുടെ എടിഎമ്മിലായിരുന്നു കവര്‍ച്ച. കുറച്ചുനാളുകളായി ഇവിടുത്തെ സിസിടിവി ക്യാമറ പ്രവര്‍ത്തിക്കുന്നുണ്ടായിരുന്നില്ല. പണം നിറയ്ക്കാനെത്തിയപ്പോഴാണ് കവര്‍ച്ച നടന്നത് അറിഞ്ഞത്.