തിരുവനന്തപുരം: തിരുവനന്തപുരം ജില്ലാ കളക്ടർ കെ.വാസുകി അവധിയിൽ പ്രവേശിച്ചു. വ്യക്തിപരമായ കാരണങ്ങളാൽ ആറ് മാസത്തെ നീണ്ട അവധിയിലാണ് കളക്ടർ പോകുന്നത്. കളക്ടറുടെ താത്കാലിക ചുമതല എഡിഎം വിനോദിന് നൽകി.
അവധിയിൽ പോകുന്ന വിവരം കളക്ടർ സോഷ്യൽ മീഡിയയിലൂടെ അറിയിച്ചു. തന്റെ ഫേസ്ബുക്ക് പേജിലൂടെയാണ് വാസുകി ഇക്കാര്യം അറിയിച്ചത്. തിരുവനന്തപുരം ജില്ലാ കളക്ടർ ആയിരുന്ന രണ്ട് വർഷം മികച്ചതും അനുഭവസമ്പത്താൽ സമ്പന്നവുമായ വർഷങ്ങളായിരുന്നെന്നാണ് കളക്ടറുടെ വാക്കുകൾ.
തനിക്ക് ലഭിച്ച സ്ഥാനത്തോട് നീതി പുലർത്തിക്കൊണ്ട് കഴിവിന്റെ പരമാവധി പ്രവർത്തിച്ചിട്ടുണ്ടെന്നും കാര്യങ്ങൾ ശരിയായി ചെയ്യാൻ കഴിഞ്ഞെന്നാണ് വിശ്വസിക്കുന്നതെന്നും വാസുകി കുറിച്ചു. ഒപ്പം നിന്ന തിരുവനന്തപുരത്തെ ജനങ്ങൾക്ക് നന്ദി കുറിച്ചുകൊണ്ടുള്ളതാണ് വാസുകിയുടെ വാക്കുകൾ. അവധി അനുവദിച്ച സർക്കാരിനും നന്ദി കുറിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates