കൊച്ചി: എടപ്പാളില് തീയേറ്ററിനുള്ളില് അമ്മയുടെ സാന്നിധ്യത്തില് ബാലികയെ പീഡിപ്പിച്ച കേസില് തീയേറ്റര് ഉടമ സതീഷിനെ അറസ്റ്റ് ചെയ്ത പൊലീസ് നടപടിയെ വിമര്ശിച്ച് വനിത കമ്മീഷന് ചെയര്പേഴ്സണ് എം.സി ജോസഫൈന്. പൊലീസ് നടപടിയില് അത്ഭുതം തോന്നുന്നുവെന്ന് ജോസഫൈന് പ്രതികരിച്ചു. പൊലീസ് ഉടമ ശരിയായാണ് പ്രവര്ത്തിച്ചതെന്നും പൊലീസ് കള്ളക്കേസെടുത്തുവെന്നും അവര് പറഞ്ഞു.
പീഡനവിവരം കൃത്യസമയത്ത് അറിയിച്ചില്ലെന്നും ദൃശ്യങ്ങള് പ്രചരിപ്പിച്ചുവെന്നും ചൂണ്ടിക്കാട്ടിയാണ് സതീഷിനെ ചങ്ങരംകുളം പൊലീസ് അറസ്റ്റ് ചെയ്തത്. ഇദ്ദേഹത്തെ പോക്സോ കോടതിയില് ഹാജരാക്കും.
കേസിലെ മുഖ്യപ്രതികളായ മൊയ്ദീന് കുട്ടിക്കും കുട്ടിയുടെ മാതാവിനുമെതിരെ പോക്സോ ചുമത്തിയിരുന്നു. രണ്ടുപേരും ഇപ്പോള് റിമാന്റിലാണ്. ചൈല്ഡ് ലൈന് പ്രവര്ത്തകര്ക്ക് തീയേറ്റര് ഉടമ സിസി ടിവി ദൃശ്യങ്ങള് നല്കിയിരുന്നു. ഇത് മാധ്യമങ്ങള് വാര്ത്തയാക്കിയതോടെയാണ് സംഭവം പുറംലോകമറിഞ്ഞത്. ചൈല്ഡ് ലൈന് പ്രവര്ത്തകര്ക്ക് ദൃശ്യങ്ങള് കൈമാറിയതിനെ തീയേറ്റര് ഉടമയെ അഭിനന്ദിച്ച് എം.സി ജോസഫൈന് രംഗത്ത് വന്നിരുന്നു.
ചൈല്ഡ് ലൈന് പ്രവര്ത്തകര് വിവരം നല്കിയിട്ടും പൊലീസ് നടപടിയെടുക്കാന് വൈകിയെന്ന് ആക്ഷേപമുയര്ന്നിരുന്നു. ഇതിലുള്ള പ്രതികാര നടപടിയാണ് ഇപ്പോള് പൊലീസിന്റെ ഭാഗത്ത് നിന്ന് ഉണ്ടായിരിക്കുന്നതെന്ന് വിമര്ശനം ഉയര്ന്നിട്ടുണ്ട്. ചൈല്ഡ് ലൈന് പ്രവര്ത്തകര്ക്ക് നേരെയും ചിലപ്പോള് നടപടിയുണ്ടാകാന് ഇടയുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates