മൂവാറ്റുപുഴ: തെരഞ്ഞെടുപ്പ് വിജയാ​​ഹ്ലാദത്തിനിടെ പടക്കം പൊട്ടിത്തെറിച്ച് യുഡിഎഫ് പ്രവർത്തകന്റെ കൈയ്ക്ക് പരുക്കേറ്റു. മസ്ലിം ലീ​ഗ് പ്രവർത്തകനായ പായിപ്ര കുന്നുമ്മേൽ കുടിയിൽ ഹനീഫ (40)യുടെ കൈയിലിരുന്ന ​ഗുണ്ട് പൊട്ടിത്തെറിച്ച് വിരലുകൾ അറ്റു പോകുകയായിരുന്നു. 

ഒരു മണിയോടെ പായിപ്ര സ്കൂൾ പടിയിലാണ് അപകടം. ഹനീഫയെ എറണാകുളം സ്പെഷലിസ്റ്റ് ആശുപത്രിയിൽ പ്രവേശിപ്പിച്ചു. മൂവാറ്റുപുഴയിൽ നിന്ന് തൊടുപുഴയിലേക്ക് ബൈക്കിൽ നടത്തിയ ആഹ്ലാദ പ്രകടനത്തിനിടെ യൂത്ത് കോൺ​ഗ്രസ് പ്രവർത്തകനു ബൈക്കിൽ നിന്ന് വീണും പരുക്കേറ്റു.