കൊട്ടാരക്കര: കേരളത്തിലേക്കെത്തുന്ന തേങ്ങയിലും മായം ചേര്ക്കുന്നു. പച്ചത്തേങ്ങയില് രാസവസ്തു കലര്ത്തി വിളവുള്ള തേങ്ങയാക്കിയാണ് തട്ടിപ്പ്. തമിഴ്നാട്ടില് നിന്നും വന്തോതില് പച്ചത്തേങ്ങ കേരളത്തിലേക്ക് എത്തിച്ചാണ് ഇത്.
കൊട്ടാരക്കരയില് ഇങ്ങനെ രാസവസ്തു കലര്ത്തിയ തേങ്ങ മൊത്ത വില്പ്പന കേന്ദ്രങ്ങളില് നിന്നും തഹസില്ദാരുടെ നേതൃത്വത്തില് നടത്തിയ പരിശോധനയില് പിടിച്ചെടുത്തു. തമിഴ്നാട്ടില് നിന്നും എത്തുന്ന പച്ചത്തേങ്ങകള് പൊതിച്ച് നാളികേര സംഭരണ കേന്ദ്രങ്ങളില് എത്തിക്കുകയും അവിടെ വെച്ച് സള്ഫര് വിതറി ടാര്പോളിന് മൂടി പുകയ്ക്കുകയും ചെയ്യും.
ഇങ്ങനെ ചെയ്യുന്നതിലൂടെ പച്ചത്തേങ്ങ വിളവുള്ള തേങ്ങയായി മാറും. ഇങ്ങനെ ചെയ്യുന്ന തേങ്ങകള് ഉപയോഗിക്കുന്നത് വലിയ ആരോഗ്യപ്രശ്നങ്ങളിലേക്ക് നയിക്കുമെന്ന് ഫുഡ് സേഫ്റ്റി അധികൃതരും വ്യക്തമാക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates