കൊച്ചി:  നടി ആക്രമിക്കപ്പെട്ട കേസില്‍ അറസ്റ്റിലായ ദിലീപിനെ ചോദ്യം ചെയ്യാനായി രണ്ട് ദിവസത്തെ കസ്റ്റഡിയില്‍ വിട്ടതിന് പിന്നാലെ എഡിജിപി സന്ധ്യ ദിലീപിനെ വീണ്ടും ചോദ്യം ചെയ്യുന്നു. വൈകീട്ടോടെയാണ് ചോദ്യം ചെയ്യുന്നതിനായി സന്ധ്യ ആലുവ പൊലീസ് ക്ലബിലെത്തിയത്. കൊച്ചിയിലും തൊടുപുഴയിലുമെത്തിച്ച് തെളിവെടുപ്പ് നടത്തിയതിന് പിന്നാലെയാണ് ചോദ്യം ചെയ്യല്‍.

കൂടാതെ ദിലീപിന്റെ സുഹൃത്തും പ്രതിപക്ഷ എംഎല്‍എയുമായ അന്‍വാര്‍സാദത്തിനെയും പൊലീസ് ചോദ്യം ചെയ്യും. സംഭവത്തിന് പിന്നാലെ ദിലീപും അന്‍വര്‍ സാദത്തും നിരവധി തവണ ഫോണില്‍ ബന്ധപ്പെട്ടിരുന്നു. ഈ സാഹചര്യത്തിലാണ് അന്‍വര്‍ സാദത്തിനെ ചോദ്യം ചെയ്യാനുള്ള തീരുമാനം. വിദേശത്തുള്ള എംഎല്‍എ നാട്ടിലെത്തിയാല്‍ ചോദ്യം ചെയ്യുമെന്നാണ് അന്വേഷം സംഘം വ്യക്തമാക്കുന്നത്. എറണാകുളം ജില്ലയിലെ മറ്റ് കോണ്‍ഗ്രസ് എംഎല്‍എമാരുമായി നടന്‍ ദിലീപിന് നല്ല ബന്ധമാണെന്ന ആരോപണവും ഉയര്‍ന്നിട്ടുണ്ട്.