കൊച്ചി: പ്രളയബാധിത മേഖലയിലെ അര്ഹതയുള്ള എല്ലാ കുടുംബങ്ങള്ക്കും സൗജന്യറേഷന് ലഭ്യമാക്കുമെന്ന് റവന്യൂ മന്ത്രി ഇ ചന്ദ്രശേഖരന്. ഇത് സംബന്ധിച്ച് വില്ലേജ് ഓഫീസര്മാര്ക്ക് നിര്ദ്ദേശം നല്കിയെന്നും മന്ത്രി പറഞ്ഞു. ആലുവയില് ചേര്ന്ന അവലോകനയോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു റവന്യൂ മന്ത്രി. ക്യംപുകളില് കഴിയുന്നവര്ക്ക് മാത്രമല്ല, ക്യാംപുകളില് എത്താന് സാഹചര്യമില്ലാത്തവര്ക്കും ഭക്ഷ്യധാന്യങ്ങള് എത്തിക്കാന് വേണ്ട നടപടികള് സ്വീകരിക്കും
പെരിയാറില് ചെളിയുടെ അളവ് ക്രമാതീതമായി ഉയര്ന്നതിനെ തുടര്ന്ന് പമ്പിംഗ് തുടരുകയെന്നത് പ്രായോഗികമല്ല. ഈ സാഹചര്യത്തില് കുടിവെള്ളവിതരണത്തിനായി പകരം സംവിധാനം ഏര്പ്പെടുത്തും. കര്ക്കിടക വാവ് ബലിക്ക് എത്തുന്നവര് അതീവ ജാഗ്രതയോടെ പ്രവര്ത്തിക്കണം. പൊലീസും ഭരണകൂടവും നല്കുന്ന നിര്ദേശങ്ങള് പാലിക്കാന് തയ്യാറാവണം. ജനകീയ സഹകരണം ഉണ്ടാകണമെന്നും മന്ത്രി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates