കൊച്ചി: കൊച്ചി: നടി ആക്രമിക്കപ്പെട്ട കേസിലെ മുഖ്യ തെളിവായ ദൃശ്യങ്ങള്‍ പകര്‍ത്തിയ മൊബൈല്‍ ഫോണ്‍ നശിപ്പിച്ചതായി പള്‍സര്‍ സുനിയുടെ മുന്‍ അഭിഭാഷകന്‍ പ്രതീഷ് ചാക്കോ. തന്റെ ജൂനിയര്‍ രാജു ജോസഫ് പള്‍സര്‍ സുനി ദൃശ്യങ്ങള്‍ പകര്‍ത്തിയ മൊബൈല്‍ ഫോണ്‍ നശിപ്പിച്ചെന്നു പ്രതീഷ് ചാക്കോ പൊലീസിനു മൊഴി നല്‍കി.
മൊബൈല്‍ കത്തിച്ചുകളഞ്ഞു എന്നാണ് പ്രതീഷ് ചാക്കോ മൊഴി നല്‍കിയിരിക്കുന്നത്. പള്‍സര്‍ സുനി തന്റെ കൈയില്‍ ഫോണ്‍ ഏല്‍പ്പിച്ചിരുന്നു. താന്‍ അത് ജൂനിയറായ രാജു ജോസഫിനെ ഏല്‍പ്പിച്ചു. രാജു ജോസഫ് അത് നശിപ്പിച്ചുകളയുകയായിരുന്നുവെന്നാണ് പ്രതീഷ് ചാക്കോയുടെ മൊഴി.
കേസില്‍ സുപ്രധാന തെളിവ് ഒളിപ്പിച്ചതിനാണ് പ്രതീഷ് ചാക്കോയ്ക്ക് എതിരെ പൊലീസ് കേസെടുത്തിരിക്കുന്നത്. ഇന്നലെ രാത്രി അറസ്റ്റ് ചെയ്ത പ്രതീഷ് ചാക്കോയെ ഉടന്‍ തന്നെ സ്‌റ്റേഷന്‍ ജാമ്യത്തില്‍ വിട്ടയച്ചിരുന്നു. ഹൈക്കോടതി നിര്‍ദേശപ്രകാരം ആയിരുന്നു പ്രതീഷ് ചാക്കോയ്ക്കു ജാമ്യം നല്‍കിയത്.
ഡിസ്ട്രിബ്യൂട്ടേഴ്‌സ് അസോസിയേഷന്റെ അഭിഭാഷകന്‍ ആയ പ്രതീഷ് ചാക്കോയെ സുനിക്ക് പരിചയം ഉണ്ടായിരുന്നില്ലെന്ന പൊലീസിന് ബോധ്യമായിട്ടുണ്ട്. ഇവരെ തമ്മില്‍ ബന്ധിപ്പിച്ചത് ദിലീപ് ആണോയെന്നാണ് അന്വേഷണ സംഘം പരിശോധിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates