കോഴിക്കോട്: നാടക സിനിമാ നടനും തബലിസ്റ്റുമായ ഹരിനാരായണന്‍ അന്തരിച്ചു. 57 വയസായിരുന്നു.ഇന്ന് വൈകിട്ട് കോഴിക്കോട്ടെ ഒരു സ്വകാര്യ ആശുപത്രിയില്‍ വച്ചാണ് അദ്ദേഹത്തിന്റെ അന്ത്യം.

തബല-മൃദംഗ വാദകന്‍, ഡോക്യുമെന്ററി സംവിധായകന്‍, നടന്‍ എന്നി നിലകളിലും അദ്ദേഹം പ്രശസ്തനാണ്. പ്രശസ്ത സംവിധായകന്‍ ജോണ്‍ ഏബ്രഹാമിന്റെ അമ്മ അറിയാന്‍ എന്ന ചിത്രത്തിലെ ഹരി എന്ന കഥാപാത്രമാണ് ഹരി നാരായണനെ ശ്രദ്ധേയനാക്കിയത്. 

ജോൺ എബ്രഹാമിന്റെ അടുത്ത സുഹൃത്തായിരുന്നു. നീലാകാശം പച്ചകടല്‍ ചുവന്ന ഭൂമി, മസാല റിപ്പബ്ലിക്, കിസ്മത്, ചാര്‍ളി എന്നി മലയാള സിനിമകള്‍ക്ക് പുറമേ നിരവധി തെലുങ്ക്, കന്നഡ ചിത്രങ്ങളിലും അഭിനയിച്ചിട്ടുണ്ട്.