ശബരിമല: നിരോധനാജ്ഞ നിലനില്‍ക്കുന്ന സാഹചര്യത്തില്‍ സംഗീത സംവിധായകന്‍ ശിവമണിക്ക് നടപന്തലില്‍ സംഗീതാര്‍ച്ചന നടത്താന്‍ സാധിക്കില്ലെന്ന് വ്യക്തമാക്കി പൊലീസ്. തിരുമുറ്റവും, വലിയ നടപ്പന്തലും നിയന്ത്രിത മേഖലയാണെന്ന് പൊലീസ് വ്യക്തമാക്കി. 

എല്ലാ വര്‍ഷവും നടപന്തലിലെ സ്റ്റേജിലാണ് സംഗീതാര്‍ച്ചന നടത്തിയിരുന്നത്. എന്നാലിപ്പോള്‍ മാരാമത്ത് കോംപ്ലക്‌സിന് തൊട്ടടുത്തുള്ള വിരിവയ്പ്പ് കേന്ദ്രത്തിലാണ് ശിവമണിയുടെ സംഗീതാര്‍ച്ചനയ്ക്ക് പൊലീസ് സ്ഥലം അനുവദിച്ചിരിക്കുന്നത്. നാളെ രാവിലെ ആറരയ്ക്കാണ് സംഗീതാര്‍ച്ചന.