കോവിഡ് വ്യാപനത്തിനിടെ നിഷ്കളങ്കരായ നാട്ടുകാരെ തെറ്റിധരിപ്പിക്കുന്നവരുടെ തലയിൽ ഇടിത്തീ വീഴട്ടെയെന്ന് സംവിധായകൻ ആഷിഖ് അബു. കൂടുതൽ ആളുകളെ കോവിഡ് ബാധയിൽ നിന്ന് രക്ഷിക്കാൻ ലക്ഷ്യമിട്ട് പ്രഖ്യാപിക്കുന്ന നിയന്ത്രണങ്ങൾ സ്വർണക്കള്ളക്കടത്ത് കേസുമായി ബന്ധിപ്പിക്കുന്നതിനിടയിലാണ് ആഷിഖിന്റെ പ്രതികരണം. സംസ്ഥാനത്തെ കോവിഡ് സാഹചര്യം വിശദീകരിച്ചുള്ള ആരോ​ഗ്യമന്ത്രിയുടെ ലൈവ് വിഡിയോയും ആഷിഖ് മുമ്പ് പങ്കുവച്ചിരുന്നു. 

"നിഷ്കളങ്കരായ നാട്ടുകാരെ തെറ്റിധരിപ്പിച്ച് , അപകടത്തിലേക്ക് ഇളക്കിവിട്ട്, കലാപത്തിന് ശ്രമിക്കുന്നവരുടെ തലയിൽ ഇടിത്തീ വീഴട്ടെ !!!", എന്നാണ് ആഷിഖ് സോഷ്യൽ മീഡിയയിൽ കുറിച്ചത്. മുമ്പും സ്വർണക്കള്ളക്കടത്ത് കേസിൽ സംസ്ഥാന സർക്കാരിനെ ന്യായീകരിച്ച് ആഷിഖ് രം​ഗത്തുവന്നിരുന്നു. കേസ് മനസ്സാക്ഷിയുടെ കോടതിയിലേക്കു പോവില്ലെന്നായിരുന്നു ആഷിഖിന്റെ വാക്കുകൾ. 

തെരുവുകളിൽ കൊറോണ വൈറസ് ഇപ്പോൾ സന്തുഷ്ടരാണ് ഇരകൾ യഥേഷ്ടം !! എന്ന് കുറിച്ച് പലരും സംവിധായകന് പിന്തുണയുമായി കമന്റിൽ എത്തുന്നുണ്ട്. അതേസമയം സർക്കാരിനെ ന്യായീകരിക്കാനുള്ള ശ്രമത്തെ വിമർശിക്കുന്നവരാണ് ഏറെയും.