തിരുവനന്തപുരം: നിപ ബാധിതരെ ചികിത്സിക്കുന്നതില് മാതൃകാപരമായ സേവനം അനുഷ്ഠിച്ച ജീവനക്കാര്ക്ക് മുന്കൂര് ഇന്ക്രിമെന്റ് നല്കാന് സര്ക്കാര് തീരുമാനിച്ചു.ഡോക്ടര്മാര് ഉള്പ്പടെയുള്ള സര്ക്കാര് ജീവനക്കാര്ക്കാണ് ഇന്ക്രിമെന്റ് നല്കുന്നത്. ജീവഭയമില്ലാതെ പ്രവര്ത്തിച്ചതിനുള്ള അംഗീകാരമാണിതെന്ന് മന്ത്രിസഭായോഗം വിലയിരുത്തി.
നാല് അസിസ്റ്റന്റ് പ്രൊഫസര്മാരും 19 സ്റ്റാഫ് നേഴ്സുമാരുമുള്പ്പടെ 61 പേര്ക്കാണ് ഇന്ക്രിമെന്റ് അനുവദിക്കുന്നത്. ഇതിനുപുറമേ 12 ജൂനിയര് റസിഡന്റുമാര്ക്കും മൂന്ന് സീനിയര് റസിഡന്റുമാര്ക്കും ഒരോ പവന്റെ സ്വര്ണ്ണമെഡല് നല്കി ആദരിക്കും.
നിപ ബാധിതരെ ചികിത്സിക്കുന്നതിനിടെ രോഗം ബാധിച്ച് മരിച്ച നേഴ്സ് ലിനി പുതുശ്ശേരിയുടെ സ്മരണാര്ത്ഥം സര്ക്കാര് മേഖലയില് പ്രവര്ത്തിക്കുന്ന മികച്ച നേഴ്സിനുള്ള അവാര്ഡ് ഏര്പ്പെടുത്താനും തീരുമാനിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates