തിരുവനന്തപുരം: സര്‍ക്കാര്‍ ജീവനക്കാരുടെ പങ്കാളിത്ത പെന്‍ഷന്‍ പുനഃപരിശോധിക്കാന്‍ സമിതിയെ നിയോഗിക്കുമെന്ന് ധനമന്ത്രി തോമസ് ഐസക് നിയമസഭയില്‍ അറിയിച്ചു. ജഡ്ജിമാരടങ്ങുന്ന സമിതിയെ രണ്ടാഴ്ചയ്ക്കകം ചുമതലപ്പെടുത്താനാണ് തീരുമാനം. 

ചില നടപടികളെടുത്താല്‍ ഊരിപ്പോരാന്‍ പ്രയാസമാണ്. പങ്കാളിത്ത പെന്‍ഷനും അതുപോലെയുള്ള ഒന്നാണ്. അതിനാല്‍ പ്രത്യാഘാതങ്ങള്‍ പരിശോധിച്ച ശേഷം നടപടി സ്വീകരിക്കുമെന്നും മന്ത്രി പറഞ്ഞു.