തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല നയിച്ച പടയൊരുക്കം ജാഥ സമാപിച്ചതിന് പിന്നാലെ തിരുവനന്തപുരത്ത് സെക്രട്ടറിയേറ്റിന് മുന്നില്‍ എ,ഐ ഗ്രൂപ്പുകള്‍ ചേരിതിരിഞ്ഞ് ഏറ്റുമുട്ടി. ഏറ്റുമുട്ടലില്‍ രണ്ടുപേര്‍്ക്ക് കുത്തേറ്റു.

കെഎസ് യു സംസ്ഥാന സെക്രട്ടറിയും ഐ ഗ്രൂപ്പുകാരനുമായ നബീലിന്റെ നേതൃത്വത്തിലായിരുന്നു ആക്രമണം. അദേഷ്, നജീം എന്നീ പ്രവര്‍ത്തകര്‍ക്കാണ് കുത്തേറ്റത്. ഇവരെ തിരുവന്തപുരം ജനറല്‍ ആശുപത്രിയില്‍ പ്രവേശിപ്പിച്ചു. കുത്തേറ്റ ആദേഷ് തിരുവനന്തപുരം കെഎസ് യു ജില്ലാ സെക്രട്ടറി കൂടിയാണ്. നജീമിന് തലയ്ക്കാണ് കുത്തേറ്റത്.

യുഡിഎഫിന്റെ ജാഥ കഴിഞ്ഞുമടങ്ങുന്നതിനിടെയാണ് സംഘര്‍ഷം. സംഭവത്തിന് പിന്നാലെ കോണ്‍ഗ്രസിന്റെ പ്രമുഖ നേതാക്കന്‍മാരെ്ല്ലാം സ്ഥലെത്തെത്തിയിട്ടുണ്ട്. വ്യക്തിവൈരാഗ്യവും ഗൂപ്പ് തര്‍ക്കവുമാണ് സംഘര്‍ഷത്തിന് ഇടയാക്കിയത്. 

ഫെയ്‌സ് ബുക്ക് പോസ്റ്റുമായി ബന്ധപ്പെട്ട ഐ,എ ഗ്രൂപ്പുകള്‍ ഏറ്റുമുട്ടിയത്. കുത്തിയത് കെഎസ്‌യു സംസ്ഥാന പ്രസിഡന്റാണെന്ന് നജീം പൊലീസിന് മൊഴി നല്‍കിയിട്ടുണ്ട്.