പത്തനംതിട്ട: ചൈനയിൽ നിന്നെത്തി വീട്ടിൽ നിരീക്ഷണത്തിൽ കഴിയുന്ന പത്തനംതിട്ട സ്വദേശിയായ വിദ്യാര്‍ത്ഥിയുടെ അച്ഛന്‍ മരിച്ചത് കോവിഡ് വൈറസ് ബാധിച്ചല്ല. പരിശോധനയിലാണ് ഇക്കാര്യം വ്യക്തമായത്. മറ്റ് രോ​ഗങ്ങൾക്ക് കൊച്ചിയിൽ ചികിത്സയിലിരിക്കെയാണ് ഇയാൾ മരിച്ചത്. 

ചൈനയില്‍ നിന്നെത്തി പത്തുദിവസമായി വീട്ടില്‍ നിരീക്ഷണത്തില്‍ ഉണ്ടായിരുന്ന കുട്ടിയുടെ അച്ഛനാണ് മരിച്ചത്. ഇവര്‍ തമ്മില്‍ സമ്പര്‍ക്കം ഉണ്ടായിരുന്നില്ലെന്നായിരുന്നു പ്രാഥമിക വിലയിരുത്തൽ.

സംസ്‌കാരം ഉള്‍പ്പടെയുള്ള ചടങ്ങുകള്‍ പ്രോട്ടോകള്‍ പ്രകാരം നടത്താനാണ് തീരുമാനം. അതിനിടെ, പത്തനംതിട്ടയില്‍ ഒൻപത് പേര്‍ക്ക് കൂടി കോവിഡ് ഇല്ലെന്ന് സ്ഥിരീകരിച്ചു.