തി​രു​വ​ന​ന്ത​പു​രം: അ​പ​ക​ട​സ​മ​യ​ത്ത് കാ​ർ ഓ​ടി​ച്ചി​രു​ന്ന​ത് ഡ്രൈവർ അ​ർ​ജു​ൻ ആ​യി​രു​ന്നുവെന്നും ആ​ശു​പ​ത്രി കി​ട​ക്ക​യി​ൽ ഇ​ക്കാ​ര്യ​ങ്ങ​ൾ ത​​ന്റെ അമ്മയോട്  ​അ​ർ​ജു​ൻ സ​മ്മ​തി​ച്ചി​രു​ന്ന​താ​യും ബാ​ല​ഭാ​സ്ക​റിന്റെ ഭാ​ര്യ ല​ക്ഷ്മി പറഞ്ഞു. 'പറ്റിപ്പോയി, ഉറങ്ങിപ്പോയി' എന്നാണ് അമ്മയോട് പറഞ്ഞത്. ആ​ശു​പ​ത്രി​യി​ലാ​യി​രു​ന്ന​പ്പോ​ഴും കാ​ര്‍ ഓ​ടി​ച്ച​ത് താ​ന്‍ ത​ന്നെ​യാണെന്ന് അർജുൻ പലരോടും ​ പറ‍ഞ്ഞിരുന്നു. പി​ന്നീ​ട് ഡി​സ്ചാ​ര്‍ജി​ന് ശേ​ഷ​മാ​ണ് അ​ര്‍ജു​ന്‍ മാ​റ്റി​പ്പ​റ​ഞ്ഞ​ത്. അ​ത് എ​ന്താ​ണെ​ന്ന് അ​റി​യി​ല്ല. ചി​ല​പ്പോ​ള്‍ കേ​സ് ഭ​യ​ന്നി​ട്ടാ​യി​രി​ക്കു​മെ​ന്നും ലക്ഷ്മി അഭിപ്രായപ്പെട്ടു.

പരസഹായമില്ലാതെ നടക്കാൻ കഴിയില്ല എന്നതൊഴിച്ചാൽ തന്റെ ഓർമ്മയ്ക്ക് ഒരു കുഴപ്പവും സംഭവിച്ചിട്ടില്ല. കൊ​ല്ല​ത്ത് കാ​ര്‍ നി​ർ​ത്തി ബാ​ലു​വും ഡ്രൈ​വ​ർ അ​ർ​ജു​നും കാ​പ്പി കു​ടി​ച്ചി​രു​ന്നു. അ​തി​നു​ശേ​ഷ​വും അ​ര്‍ജു​ന്‍ ത​ന്നെ​യാ​ണ് ഓ​ടി​ച്ച​ത്. ബാ​ലു പി​ൻ​സീ​റ്റി​ൽ ഉ​റ​ങ്ങു​ക​യാ​യി​രു​ന്നു. ഞാ​നും മ​ക​ളും മു​ൻ​സീ​റ്റി​ലായിരുന്നു. പെ​ട്ടെ​ന്ന് കാ​ര്‍ വെ​ട്ടി​ക്കു​ന്ന​താ​യി തോ​ന്നി. നെ​റ്റി ശ​ക്തി​യാ​യി ഗ്ലാ​സി​ലി​ടി​ച്ചു. പി​ന്നീ​ട് ഒ​ന്നും ഓ​ര്‍മ​യി​ല്ലെന്ന് ലക്ഷ്മി പറഞ്ഞു.

ഫെയ്സ്ബുക്കിലൂടെ തനിക്കെതിരെ ആരോപണം ഉന്നയിച്ച പ്രിയ വേണു​ഗോപാൽ ബാലഭാസ്കറിന്റെ അടുത്ത ബന്ധുവാണ്. ആ​രോ​പ​ണ​ങ്ങ​ളോ​ട് പ്ര​തി​ക​രി​ക്കാ​ൻ താ​ൽ​പ​ര്യ​മി​ല്ല. പ​ല​തും മ​റു​പ​ടി അ​ർ​ഹി​ക്കാ​ത്ത​താ​ണ്. വാ​ഹ​ന​ത്തി​ൽ​നി​ന്ന് ക​ണ്ടെ​ടു​ത്ത സ്വ​ർ​ണാ​ഭ​ര​ണ​ങ്ങ​ൾ ഒ​രു വി​വാ​ഹ​ത്തി​ന് അ​ണി​യാ​നാ​യി ബാ​ങ്ക് ലോ​ക്ക​റി​ൽ​നി​ന്ന്​ എ​ടു​ത്ത​താ​ണ്. ഇ​തൊ​ക്കെ പൊ​ലീ​സ് രേ​ഖ​ക​ളു​ടെ അ​ടി​സ്ഥാ​ന​ത്തി​ൽ തി​രി​കെ ന​ൽ​കി​യി​രു​ന്നു. 

സ്വ​ര്‍ണ​ക്ക​ള്ള​ക്ക​ട​ത്ത് കേ​സി​ലെ പ്ര​തി പ്ര​കാ​ശ് ത​മ്പി​ക്ക് ബാ​ല​ഭാ​സ്‌​ക​റിന്റെ കു​ടും​ബ​വു​മാ​യി അ​ടു​പ്പ​മു​ണ്ടാ​യി​രു​ന്നു. അ​പ​ക​ടം സം​ഭ​വി​ച്ച് ആ​ശു​പ​ത്രി​യി​ലാ​യ സ​മ​യ​ത്തും എ​ല്ലാ കാ​ര്യ​ങ്ങ​ള്‍ക്കും ഓ​ടി​ന​ട​ന്ന​ത്​ അ​യാ​ളാ​ണ്. പ്രകാശ് തമ്പി  സ്വ​ര്‍ണ​ക്ക​ട​ത്തു​മാ​യി ബ​ന്ധ​പ്പെ​ട്ട് അ​റ​സ്​​റ്റി​ലാ​യി എ​ന്ന വാ​ര്‍ത്ത വ​ലി​യ ഞെ​ട്ട​ലാ​യി​രു​ന്നു എന്നും ലക്ഷ്മി പറഞ്ഞു.