തിരുവനന്തപുരം: അഞ്ചു ജില്ലകളിലെ കളക്ടര്‍മാരെ മാറ്റി. ഇന്ന് ചേര്‍ന്ന മന്ത്രിസഭാ യോഗത്തിലാണ് തീരുമാനമെടുത്തത്. തിരുവനന്തപുരം, കൊല്ലം, ആലപ്പുഴ, കോട്ടയം, പാലക്കാട് ജില്ലകളിലെ കളക്ടര്‍മാര്‍ക്കാണ് സര്‍ക്കാര്‍ സ്ഥാനചലനം നല്‍കിയത്. 

തിരുവനന്തപുരം ജില്ലാ കളക്ടറായി കെ വാസുകി, കൊല്ലം ജില്ലാ കളക്ടറായി എസ് കാര്‍ത്തികേയന്‍ എന്നിവരെ നിയമിച്ചു. ആലപ്പുഴ ജില്ലാ കളക്ടറായി ടി വി അനുപമയ്ക്കാണ് നിയമനം. കോട്ടയം കളക്ടറായി നവജ്യോത് ഖോസയെയും പാലക്കാട് കളക്ടറായി സുരേഷ് ബാബുവിനേയും സര്‍ക്കാര്‍ നിയമിച്ചിട്ടുണ്ട്.

ആര്‍എസ്എസ് സര്‍സംഘ്ചാലക് മോഹന്‍ഭാഗവത് സര്‍ക്കാര്‍ എയ്ഡഡ് സ്‌കൂളില്‍ ദേശീയപതാക ഉയര്‍ത്തരുതെന്നു കാട്ടി നോട്ടീസ് നല്‍കിയതിനു പിന്നാലെയാണ് പാലക്കാട് കളക്ടര്‍ മേരിക്കുട്ടിയെ മാറ്റിയിരിക്കുന്നത്.