തിരുവനന്തപുരം: പിഎസ്‌സി മുന്‍ അംഗവും സിപിഐ നേതാവുമായ യു സുരേഷ് അന്തരിച്ചു. 61 വയസായിരുന്നു. ഹൃദയാഘാതത്തെത്തുടര്‍ന്ന് എസ് യു ടി ആശുപത്രിയിലായിരുന്നു അന്ത്യം. ജനയുഗം പത്രത്തിന്റെ മുന്‍ ജനറല്‍ മാനേജര്‍ ആണ്.

എസ്ബിടിയില്‍ മാനേജര്‍ പദവിയില്‍ ഇരിക്കെയാണ് യു സുരേഷ് ജനയുഗത്തില്‍ എത്തിയത്. പിന്നീട് പിഎസ്‌സി അംഗമായി. ആനുകാലികങ്ങളില്‍ ലേഖനങ്ങള്‍ എഴുതാറുണ്ട്. 

ശാസ്ത്രസാഹിത്യ പരിഷത്ത് സ്ഥാപക നേതാവും എഴുത്തുകാരനുമായ പി ടി ഭാസ്‌കര പണിക്കരുടെ മകനാണ്. സംസ്‌കാരം നാളെ ശാന്തികവാടത്തില്‍.