കക്കാടംപൊയില്‍: നിലമ്പൂര്‍ എംഎല്‍എ പിവി അന്‍വറിന്റെ ഉടമസ്ഥതയില്‍ കോഴിക്കോട് കക്കാടംപൊയിലുള്ള വാട്ടര്‍ തീം പാര്‍ക്കിന്റെ ഫോട്ടോ എടുത്ത യുവാക്കള്‍ക്ക് ക്രൂരമര്‍ദ്ദനം. ഇതിനോടകം തന്നെ ഏറെ വിവാദമായ പാര്‍ക്കിന്റെ ചിത്രം പകര്‍ത്തിയെന്നാരോപിച്ചു വിനോദ സഞ്ചാരികളായ നാലു യുവാക്കളെ പോലീസും നാട്ടുകാരെന്ന പേരിലെത്തിയ സംഘവുമാണ് മര്‍ദ്ദിച്ചത്. ഗുരുതരമായ പരിക്കേറ്റ യുവാക്കളെ കോഴിക്കോട് മെഡിക്കല്‍ കോളേജജില്‍ പ്രവേശിപ്പിച്ചു.
ഇന്നലെ രാവിലെയായിരുന്നു സംഭവമെന്നാണ് റിപ്പോര്‍ട്ടുകള്‍. പോലീസില്‍ പരാതി നല്‍കിയെങ്കിലും നടപടിയെടുത്തിരുന്നില്ലെന്നും റിപ്പോര്‍ട്ടുകളുണ്ട്. പരാതി പറയാന്‍ ശ്രമിച്ചപ്പോള്‍ നടുറോഡില്‍ മുട്ടുകുത്തി നില്‍ക്കാന്‍ പോലീസ് പറഞ്ഞതായും യുവാക്കള്‍ പറയുന്നു. പോലീസ് ഇക്കാര്യം നിഷേധിച്ചിട്ടുണ്ട്.
പരിസ്ഥിതി ദുര്‍ബല പ്രദേശമായ കക്കാടംപൊയിലില്‍ നിര്‍മിച്ചിരിക്കുന്ന വാട്ടര്‍തീം പാര്‍ക്ക് അനധികൃതമാണെന്ന ആക്ഷേപം ഉയര്‍ന്നിരുന്നു. തുടര്‍ന്ന് വിശദീകരണവുമായി പിവി അന്‍വര്‍ എംഎല്‍എ തന്നെ രംഗത്തെത്തുകയും ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates