തിരുവനന്തപുരം: പുതുവൈപ്പ് സമരത്തില്‍ പ്രതിഷേധക്കാരെ ക്രൂരമായി ലാത്തിച്ചാര്‍ജ് ചെയ്ത സംഭവത്തില്‍ കൊച്ചി മുന്‍ ഡിസിപി യതീഷ് ചന്ദ്ര മനുഷ്യാവകാശ കമ്മീഷനു മുന്നില്‍ ഹാജരായി. 

എന്നാല്‍ പുതുവൈപ്പിനില്‍ ആക്രമണകാരികളെ നേരിടുക മാത്രമാണ് ചെയ്തതെന്നാണ് യതീഷ് ചന്ദ്ര മനുഷ്യാവകാശ കമ്മീഷനെ അറിയിച്ചത്. പ്രധാനമന്ത്ര എത്തുന്നതിനാല്‍ സുരക്ഷ നിര്‍ബന്ധമായിരുന്നു. സമരക്കാര്‍ക്ക് പരിഞ്ഞ് പോകാന്‍ സമയം നല്‍കിയിരുന്നു. സ്ത്രീകള്‍ക്കും കുട്ടികള്‍ക്കും ഭക്ഷണവും ബാത്ത്‌റൂം സൗകര്യവും നല്‍കിയില്ലെന്ന പരാതി അടിസ്ഥാന രഹിതമാണെന്നും യതീഷ് ചന്ദ്ര മനുഷ്യാവകാശ കമ്മീഷന്‍ മുന്‍പാകെ അറിയിച്ചു.