ന്യൂഡൽഹി: പൊതു പ്രവര്‍ത്തകര്‍ക്കെതിരായ അഴിമതി കേസുകൾ അന്വേഷിക്കാൻ സർക്കാരിൽ നിന്ന് മുൻകൂർ അനുമതി വേണമെന്ന നിയമഭേദഗതിക്കെതിരെ ഭരണപരിഷ്‌കാര കമ്മീഷന്‍ ചെയര്‍മാന്‍ വി എസ് അച്യുതാനന്ദന്‍ സുപ്രീംകോടതിയെ സമീപിച്ചു.  അഭിഭാഷകൻ പ്രശാന്ത് ഭൂഷൺ നേതൃത്വം നൽകുന്ന കോമൺ കോസ് എന്ന സംഘടന ഈ നിയമ ഭേദഗതിയ്‌ക്കെതിരെ ഹര്‍ജി നൽകിയിരുന്നു. ഹർജിയിൽ കക്ഷി ചേരാനാണ് വിഎസ് അപേക്ഷ നൽകിയിരിക്കുന്നത്.