തിരുവനന്തപുരം: ജനകീയ സമരങ്ങളെ അടിച്ചമര്‍ത്തുന്നത് ഇടതു മുന്നണിയുടെ നയമല്ലെന്ന് ഭരണപരിഷ്‌കാര കമ്മിഷന്‍ ചെയര്‍മാന്‍ വിഎസ് അച്യുതാനന്ദന്‍. കിടപ്പാടം നഷ്ടപ്പെടുന്നവര്‍ നടത്തുന്ന സമരത്തെ എത്രയും വേഗം ഒത്തുതീര്‍പ്പാക്കുകയാണ് വേണ്ടതെന്ന് വിഎസ് അഭിപ്രായപ്പെട്ടു. ഗെയില്‍ സമരത്തിനെതിരായ പൊലീസ് നടപടിയുടെ പശ്ചാത്തലത്തില്‍ മാധ്യമപ്രവര്‍ത്തകരുടെ ചോദ്യങ്ങളോടു പ്രതികരിക്കുകയായിരുന്നു അദ്ദേഹം.

മുക്കത്ത് ഗെയില്‍ വിരുദ്ധ സമരക്കാര്‍ക്കു നേരെയുണ്ടായ പൊലീസ് നടപടി തെറ്റാണ്. ജനകീയ സമരങ്ങളെ പൊലീസിനെ ഉപയോഗിച്ച് അടിച്ചമര്‍ത്തുന്നത് ഇടതു മുന്നണിയുടെ നയമല്ലെന്ന് വിഎസ് ചൂണ്ടിക്കാട്ടി.