തിരുവനന്തപുരം: തുടര്‍ച്ചയായ അവധിദിനങ്ങള്‍ ബാങ്ക് ഇടപാടുകാരെ ബുദ്ധിമുട്ടിലാക്കും. 29 മുതല്‍ ഒക്ടോബര്‍ രണ്ടുവരെയാണ് ബാങ്ക് അവധി. 29 മഹാനവമിയും 30 വിജയദശമിയും ഒന്ന് ഞായറാഴ്ചയും മുഹറവും രണ്ടിന് ഗാന്ധിജയന്തിയുമാണ്. 

പൂജ, മുഹറം ഉത്സവദിനങ്ങളിലാണ് തുടര്‍ച്ചയായ ബാങ്ക് അവധി. എടിഎമ്മുകളില്‍ പണം നിറയ്ക്കാന്‍ സംവിധാനമുണ്ടെങ്കിലും മാസാവസാനവും ആദ്യവുമായി വരുന്ന നാലുദിവസത്തെ അവധി ഏറെ ബുദ്ധിമുട്ടുണ്ടാക്കും. എടിഎമ്മുകളില്‍ പണംനിറയ്ക്കുന്നത് സ്വകാര്യ ഏജന്‍സികളാണെങ്കിലും അവധി ദിനങ്ങളില്‍ നഗരപ്രദേശങ്ങളില്‍ മാത്രമാകും പണംനിറയ്ക്കല്‍ നടക്കുന്നത്.