കോട്ടയം: ബാര്‍ കോഴക്കേസ് അവസാനിപ്പിക്കാനുള്ള വിജിലന്‍സ് തിരുമാനം ഇടതുമുന്നണിയുടെ അഡ്ജസ്റ്റ്‌മെന്റ് രാഷ്ട്രീയമാണെന്ന് പിസി ജോര്‍ജ്ജ്. മാണി പ്രതിയായ ബാര്‍ കോഴക്കേസ് സത്യമാണെന്ന് ജനങ്ങള്‍ക്കറിയാമെന്നും പിസി ജോര്‍ജ്ജ് പറഞ്ഞു

കെഎം മാണിക്കെതിരെ ശാസ്ത്രീയ തെളിവുകളോ സാഹചര്യതെളിവുകളോ ഇല്ലാത്ത സാഹചര്യത്തില്‍ കേസ് അന്വേഷണം അവസാനിപ്പിക്കുകയാണെന്ന് വിജിലന്‍സ് വ്യക്തമാക്കിയിരുന്നു. ഫോറന്‍സിക് ലാബ് പരിശോധനയില്‍ സിഡിയില്‍ കൃത്രിമം നടന്നതായി കണ്ടെത്തിയിരുന്നു. കോഴ വാങ്ങിയതിന് തെളിവ് കണ്ടെത്താനായില്ലെന്നും അതിനാല്‍ അന്വേഷണം മുന്നോട്ടുകൊണ്ടുപോകാന്‍ കഴിയില്ലെന്നും വിജിലന്‍ സ് അറിയിക്കുകയായിരുന്നു