കോട്ടയം: ബിജെപി ജില്ലാ പ്രസിഡന്റ് എന്‍ ഹരിയെ ആക്രമിക്കാന്‍ ശ്രമിച്ചതായി പരാതി. മുഖം മൂടി ധരിച്ച് ബൈക്കിലെത്തിയ സംഘം തന്നെ ആക്രമിക്കാന്‍ ശ്രമിച്ചെന്ന് കാട്ടി ഹരി പോലീസില്‍ പരാതി നല്‍കിയിട്ടുണ്ട്. ജില്ലയിലെ സിപിഎം- ബിജെപി സംഘര്‍ഷത്തിന്റെ പശ്ചാത്തലത്തില്‍ നാളെ ഉഭയകക്ഷി ചര്‍ച്ച നടക്കാനിരിക്കെയാണ് ബിജെപി ജില്ലാ പ്രസിഡന്റിനു നേരെ ആക്രമണമുണ്ടായിരിക്കുന്നത്.

നേരത്തേ കോട്ടയത്തുള്ള സിപിഎം, ബിജെപി ഓഫിസുകള്‍ ആക്രമിക്കപ്പെട്ടിരുന്നു. ഇന്ന് പുലര്‍ച്ചെ തിരുനക്കരയില്‍ ആര്‍എസ്എസ് കാര്യാലയത്തിനു നേരെയാണ് ആദ്യം ആക്രമണമുണ്ടായത്. തുടര്‍ന്ന് സിഐടിയു, ഡിവൈഎഫ്‌ഐ ഓഫിസുകള്‍ക്ക് നേരെയും ആക്രമണമുണ്ടായി. കഴിഞ്ഞ ദിവസം നടന്ന ബിജെപി ഹര്‍ത്താലിലും ജില്ലയില്‍ വ്യാപക അക്രമം ഉണ്ടായിരുന്നു.