തിരുവനന്തപുരം: മരണക്കളിയായ ബ്ലൂവെയ്ല്‍ ഗെയിം ഫേസ്ബുക്കിലൂടെ പ്രചരിപ്പിച്ചതിന് ഇടുക്കി സ്വദേശിക്കെതിരെ പൊലീസ് കേസ്. ഐടി വകുപ്പ് പ്രകാരമാണ് കേസെടുത്തിരിക്കുന്നത്. മാനസികസംഘര്‍ഷമുള്ള ഇയാളെ കൗണ്‍സിലിങ്ങിന് വിധേയമാക്കിയതായി പൊലീസ് അറിയിച്ചു.

ഗെയിമിന്റെ ആദ്യ ഘട്ടത്തില്‍ ക്യുറേറ്റര്‍ തന്നോട് കയ്യില്‍ എഫ് 57 എന്ന് ബ്ലേഡ് കൊണ്ട് എഴുതാന്‍ ആവശ്യപ്പെട്ടതായി യുവാവ് പറഞ്ഞു. കയ്യിലെ ഞരമ്പ് മുറിക്കാനായിരുന്നു അടുത്ത നിര്‍ദേശം. പുലര്‍ച്ചെ ഹൗറര്‍ മൂവി കാണുക, മാനസിക നില തകരാറിലാക്കുന്ന ചിത്രങ്ങള്‍ കാണുക തുടങ്ങിയ ഘട്ടങ്ങളെല്ലാം താന്‍ പൂര്‍ത്തിയാക്കിയതായും യുവാവ് വെളിപ്പെടുത്തി.

കേരളത്തിലെ ഒരു ഹാക്കിങ് സംഘത്തിന്റെ വാട്ട്‌സ്ആപ് ഗ്രൂപ്പില്‍ നിന്നാണ് ബ്ലൂവെയ്ല്‍ ഗെയിമിന്റെ ലിങ്ക് കിട്ടിയതെന്നാണ് യുവാവ് പറയുന്നത്.