ന്യൂഡെല്ഹി: ജാമ്യ വ്യവസ്ഥയില് ഇളവ് തേടി പിഡിപി ചെയര്മാന് അബ്ദുല് നാസര് മഅ്ദനി സുപ്രീം കോടതിയെ സമീപിച്ചു. മാതാവിനെ കാണാന് ജാമ്യം അനുവദിച്ച വിചാരണ കോടതി, മകന്റെ കല്യാണത്തിന് പങ്കെടുക്കാന് അനുവദിക്കാത്തത് നീതി നിഷേധമാണെന്ന് അപേക്ഷയില് പറയുന്നുണ്ട്.
മകളുടെ കല്യാണത്തിന് പങ്കെടുക്കാന് നേരത്തെ കോടതി അനുവദിച്ചിരുന്നതാണെന്നും അപേക്ഷയില് വ്യക്തമാക്കിയിട്ടുണ്ട്. മദനിക്ക് മാതാപിതാക്കളെ കാണാനാണ് കേരളത്തിലേക്ക് വരാന് അനുമതി നല്കിയിരിക്കുന്നത്. എന്നാല് മകന്റെ വിവാഹത്തില് പങ്കെടുക്കാന് കോടതി അനുമതി നിഷേധിച്ചിരിക്കുകയാണ്.
ബെംഗളുരു കോടതിയുടെ വിധിക്കെതിരെ പിഡിപി സംസ്ഥാന ഘടകം ഈ മാസം 26 ന് ഹര്ത്താലിന് ആഹ്വാനം ചെയ്തെങ്കിലും പിന്നീട് പിന്വലിച്ചു. ഹര്ത്താല് നടത്തുന്നത് മഅ്ദനിക്ക് സുപ്രിം കോടതിയില് തിരിച്ചടിയാകുമെന്ന ഉപദേശത്തെ തുടര്ന്നായിരുന്നു ഇത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates