Kerala

മന്ത്രി കെ ടി ജലീലിനെതിരെ കേന്ദ്ര അന്വേഷണം

വിദേശകാര്യമന്ത്രാലയത്തിന്റെ അനുമതിയില്ലാതെ യുഎഇ കോണ്‍സുലേറ്റില്‍ നിന്നും റംസാന്‍ കിറ്റ് അടക്കമുള്ള സഹായം സ്വീകരിച്ചതാണ് വിവാദമായത്

Author : സമകാലിക മലയാളം ഡെസ്ക്

ന്യൂഡല്‍ഹി : മന്ത്രി കെ ടി ജലീലിനെതിരെ കേന്ദ്ര അന്വേഷണം. വിദേശനാണ്യചട്ടം ലംഘിച്ചതിനാണ് അന്വേഷണം നടത്തുക. കേന്ദ്രസര്‍ക്കാരിന്റെ അനുമതിയില്ലാതെ വിദേശ സഹായം സ്വീകരിച്ചതിനാണ് നടപടി. കേന്ദ്ര ധനകാര്യമന്ത്രാലയമാണ് അന്വേഷണം നടത്തുക. 

വിദേശകാര്യമന്ത്രാലയത്തിന്റെ അനുമതിയില്ലാതെ യുഎഇ കോണ്‍സുലേറ്റില്‍ നിന്നും മന്ത്രി കെ ടി ജലീല്‍ റംസാന്‍ കിറ്റ് അടക്കമുള്ള സഹായം സ്വീകരിച്ചതാണ് വിവാദമായത്. യുഎഇ കോണ്‍സുലേറ്റില്‍ നിന്നും സഹായം കൈപ്പറ്റിയതായി മന്ത്രി ജലീല്‍ തന്നെ വ്യക്തമാക്കിയിരുന്നു. ഇത് വിദേശനാണ്യനിയമം ലംഘിച്ചാണെന്ന് ചൂണ്ടിക്കാട്ടി നിരവധി പരാതികളാണ് കേന്ദ്രസര്‍ക്കാരിന് മുന്നിലെത്തിയത്. ഇതേത്തുടര്‍ന്നാണ് അന്വേഷണത്തിന് തീരുമാനിച്ചത്.  

എന്‍ഫോഴ്‌സ്‌മെന്റും ഇക്കാര്യത്തില്‍ അന്വേഷണം നടത്തും. കേന്ദ്രസര്‍ക്കാര്‍ അനുമതിയില്ലാതെ നേരിട്ട് കോണ്‍സുലേറ്റുമായി നേരിട്ട് ബന്ധപ്പെട്ടത് ചട്ടലംഘനമാണ്. ഇക്കാര്യവും അന്വേഷിക്കുന്നുണ്ട്. കേന്ദ്രസര്‍ക്കാരിന്റെ അനുമതിയില്ലാതെ മറ്റുരാജ്യങ്ങളുടെ കോണ്‍സുലേറ്റില്‍ നിന്നും പണമോ, പാരിതോഷികങ്ങളോ കൈപ്പറ്റരുതെന്നാണ് ചട്ടം. 

എന്നാല്‍ ജലീലിന്റെ കാര്യത്തില്‍ ഇത് പ്രഥമദൃഷ്ട്യാ ലംഘിക്കപ്പെട്ടു എന്നാണ് കേന്ദ്രത്തിന്റെ വിലയിരുത്തല്‍. കൂടാതെ യുഎഇ കോണ്‍സുലേറ്റില്‍ നിന്നും ഖുര്‍ ആന്‍ കൊണ്ടു വന്നതിനെപ്പറ്റിയും അന്വേഷിക്കും. ഇക്കാര്യത്തില്‍ എന്‍ഐഎയും അന്വേഷണം നടത്തുമെന്നാണ് സൂചന. അന്വേഷണം സംബന്ധിച്ച ഉത്തരവ് അടുത്ത ആഴ്ച പുറത്തിറങ്ങും.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'പിണറായിയുടെ മന്ത്രിസഭയല്ല, ക്യാബിനറ്റിൽ പല കാര്യങ്ങളിലും തർക്കമുണ്ടായി, അത് അഭിമാനത്തോടെ അംഗീകരിക്കുന്നു'

പ്രധാനമന്ത്രിയുമായി വിഡി സതീശന്‍ കൂടിക്കാഴ്ച നടത്തി; വികസന വിഷയങ്ങള്‍ ചര്‍ച്ചയായെന്ന് മുഖ്യമന്ത്രി

എം വി ഗോവിന്ദൻ ഇടപെട്ടു; തളിപ്പറമ്പ് സ്വദേശിനിക്ക് ഷാര്‍ജയില്‍ ശമ്പളക്കുടിശ്ശിക ലഭിച്ചു

ജഡ്ജി നിയമനം: നടപടിക്രമത്തില്‍ തീരുമാനത്തിന് 11 വര്‍ഷത്തെ കാലതാമസം; കേന്ദ്രസര്‍ക്കാരിന് സുപ്രീംകോടതി നോട്ടീസ്

'വിധേയരുടെ മന്ത്രിസഭയല്ല', സിഎംആർഎൽ കേസിൽ വീണ്ടും ഇഡി; ഇന്നത്തെ 5 പ്രധാന വാർത്തകൾ