മലപ്പുറം: താനൂർ അഞ്ചുടിയിൽ രണ്ട് മുസ്ലീം ലീ​ഗ് പ്രവർത്തകർക്ക് വെട്ടേറ്റു. നഗരസഭാ കൗൺസിലർ ഉൾപ്പടെയുള്ള ലീഗ് പ്രവർത്തകർക്കാണ് വെട്ടേറ്റത്. താനൂർ നഗരസഭാ കൗൺസിലർ   സിപി സലാം, ബന്ധു എപി മൊയ്തീൻകോയ എന്നിവർക്കാണ് ആക്രമണത്തിൽ പരുക്കേറ്റത്.  

മൊയ്തീൻ കോയയെ  ഒരു സംഘം ആളുകൾ വീട്ടിൽ കയറി വെട്ടുകയായിരുന്നു. ഇത് തടുക്കുന്നതിനിടെയാണ് കൗൺസിലർക്ക് വെട്ടേറ്റത്. പരുക്കേറ്റ ഇരുവരേയും കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചു. 

ആക്രമണത്തിനു പിന്നിൽ സിപിഎമ്മാണെന്ന് മുസ്ലീം ലീഗ് ആരോപിച്ചു. ആക്രമണത്തിന്റെ പശ്ചാത്തലത്തിൽ അഞ്ചുടി ഉൾപ്പടെയുള്ള തീരദേശ മേഖലയിൽ പൊലീസ് സുരക്ഷ ശക്തമാക്കിയിട്ടുണ്ട്.