തിരുവനന്തപുരം: കെഎം മാണിക്കെതിരായ നിലപാടില്‍ മാറ്റമില്ലെന്ന് കോണ്‍ഗ്രസ്. മാണി രാഷ്ട്രീയ വഞ്ചന കാണിച്ചെന്നും മാണിയോടുള്ള നിലപാടില്‍ വിട്ടുവീഴ്ച കാണിക്കേണ്ടതില്ലെന്നും കടുത്ത നിലപാട് സ്വീകരിക്കാനും കെപിസിസി രാഷ്ട്രീയ സമിതി യോഗത്തിന്റെ തീരുമാനം. കേരള കോണ്‍ഗ്രസുമായുള്ള തുടര്‍നിലപാട് യുഡിഎഫ് ചര്‍ച്ചചെയ്ത ശേഷം വ്യക്തമാക്കുമെന്ന് കെപിസിസി അധ്യക്ഷന്‍ എംഎം ഹസ്സന്‍ വ്യക്തമാക്കി.

കോട്ടയത്തെ രാഷ്ട്രീയ നീക്കങ്ങള്‍ക്ക് നേതൃത്വം നല്‍കിയത് ജോസ് കെ മാണിയാണ്. കോട്ടയത്തെ ജില്ലാ പഞ്ചായത്ത് വിഷയത്തിലും വിട്ടുവീഴ്ച ചെയ്യേണ്ടെന്ന നിലപാടിലാണ് യോഗം എത്തിയത്. മാണിയെ ലോക്‌സഭാ തെരഞ്ഞെടുപ്പിന് മുമ്പായി യുഡിഎഫിലെടുക്കണമെന്ന പിജെ കുര്യന്റെ അഭിപ്രായം അദ്ദേഹത്തിന്റെ വ്യക്തിപരമായ അഭിപ്രായമാണെന്നും എംഎം ഹസ്സന്‍ പറഞ്ഞു.