ന്യൂഡെല്‍ഹി: മാതാ അമൃതാനന്ദമയിക്ക് കേന്ദ്രം സെഡ് കാറ്റഗറി സുരക്ഷ നല്‍കി. ഇനിമുതല്‍ 24 സുരക്ഷാ ഉദ്യോഗസ്ഥരാണ് ഇവര്‍ക്കൊപ്പമുണ്ടാവുക. യോഗ ഗുരു ബാബാ രാംദേവിന് ശേഷം സെഡ് കാറ്റഗറി സുരക്ഷ ലഭിക്കുന്ന ആത്മീയ നേതാവാണ് അമൃതാനന്ദമയി. കൊല്ലത്തെ ഇവരുടെ ആശ്രമത്തിനും സുരക്ഷ ലഭിക്കും.

അമൃതാനന്ദമയിക്കും കൊല്ലത്തെ ആശ്രമത്തിലും സുരക്ഷയ്ക്കായി 40 സിആര്‍പിഎഫ് ജവാന്‍മാരെയാണ് നിയോഗിക്കുന്നത്. സുരക്ഷയുടെ ഭാഗമായി ഇവര്‍ക്ക് രണ്ട് വാഹനങ്ങളുടെ അകമ്പടിയും ഉണ്ടായിരിക്കും. അമൃതാനന്ദമയിയുടെ ജീവന് ഭീഷണിയുണ്ടെന്ന രഹസ്യാന്വേഷണ വിഭാഗത്തിന്റെ വിവരത്തെത്തുടര്‍ന്നാണ് ഇവര്‍ക്ക് സെഡ് കാറ്റഗറി അനുവദിച്ചത്.