കൊച്ചി : കൊച്ചി മട്ടാഞ്ചേരിയിലെ മൃഗാശുപത്രി വളപ്പില്‍ മനുഷ്യ തലയോട്ടി കണ്ടെത്തി. ആശുപത്രിയുടെ ഓപ്പറേഷന്‍ തിയേറ്ററിന് സമീപം മണ്ണിട്ട് മൂടിയ നിലയിലാണ് തലയോട്ടി കണ്ടെത്തിയത്. 

തിങ്കളാഴ്ച എറണാകുളത്തുനിന്നും ആശുപത്രി പരിശോധനയ്‌ക്കെത്തിയ മൃഗസംരക്ഷണ വകുപ്പ് ഉദ്യോഗസ്ഥനാണ് മാവിന്റെ താഴെ മണ്ണില്‍ മൂടിയ നിലയില്‍ തലയോട്ടി കണ്ടത്. തലയോട്ടിക്ക് വര്‍ഷങ്ങള്‍ പഴക്കമുണ്ടെന്ന് പൊലീസ് പറഞ്ഞു. 

മട്ടാഞ്ചേരി എസ്ആ വിന്‍സെന്റിന്റെ നേതൃത്വത്തില്‍ എത്തിയ പൊലീസ് വിശദമായ പരിശോധന നടത്തി. പോസ്റ്റ് മോര്‍ട്ടത്തിന് ശേഷം വിശദമായ അന്വേഷണം നടത്തുമെന്ന് പൊലീസ് അറിയിച്ചു.