കൊച്ചി : കൊച്ചി മെട്രോയിലെ മഹാരാജാസ് കോളേജ് മുതല്‍ തൈക്കൂടം വരെയുള്ള പുതിയ പാതയിലെ വേഗനിയന്ത്രണം മാറ്റി. ഇന്നു മുതല്‍ പുതിയ പാതയിലൂടെയുള്ളമെട്രോ സര്‍വീസിന്റെ വേഗത വര്‍ധിപ്പിച്ചതായി അ്ധികൃതര്‍ അറിയിച്ചു. 

മണിക്കൂറില്‍ 50 മുതല്‍ 80 കിലോമീറ്റര്‍ വരെ വേഗതയിലാണ് ഇന്നുമുതല്‍ മെട്രോ സര്‍വീസ് നടത്തുക. നിലവില്‍ മണിക്കൂറില്‍ 25 കിലോമീറ്റര്‍ വേഗതയിലാണ് ട്രെയിനുകള്‍ സര്‍വീസ് നടത്തിയിരുന്നത്. 

വേഗത കൂട്ടിയേതാടെ, ട്രെയിനുകള്‍ തമ്മിലുള്ള സമയദൈര്‍ഘ്യത്തിലും വ്യത്യാസം വരും. ഇപ്പോള്‍ 14 മിനുട്ട് എന്നുള്ളത് ഏഴ് മിനുട്ടായി ചുരുങ്ങും. ജനങ്ങള്‍ക്കുള്ള നവരാത്രി സമ്മാനമാണിതെന്ന് കൊച്ചി മെട്രോ എംഡി അല്‍ക്കേഷ് കുമാര്‍ ശര്‍മ്മ പറഞ്ഞു.