കൊച്ചി: മഹാരാജാസ് മുതല്‍ തൈക്കൂടം വരെയുളള മെട്രോ ട്രെയിന്‍ സര്‍വീസ് നാളെ ഉദ്ഘാടനം ചെയ്യും. ഇതിന്റെ ഭാഗമായി ബുധനാഴ്ച മുതല്‍ 14 ദിവസത്തേക്ക് ടിക്കറ്റ് നിരക്കില്‍ 50 ശതമാനം ഇളവ് പ്രഖ്യാപിച്ചു. ആലുവ മുതല്‍ തൈക്കൂടം വരെയുളള യാത്രയ്ക്കും തിരിച്ചും ഇളവ് ബാധകമായിരിക്കും.

സെപ്റ്റംബര്‍ 25വരെ മെട്രോ സ്‌റ്റേഷനുകളില്‍ പാര്‍ക്കിങ്ങും സൗജന്യമായിരിക്കും. മുഖ്യമന്ത്രി പിണറായി വിജയന്‍ നാളെ രാവിലെ 11ന് മെട്രോ മഹാരാജാസ് കോളേജ്- തൈക്കൂടം ലൈന്‍ ഉദ്ഘാടനം ചെയ്യും. യാത്രക്കാരെ കയറ്റിയുളള റഗുലര്‍ സര്‍വീസ് ബുധനാഴ്ച രാവിലെ തുടങ്ങും.